सिंधुदुर्ग जिल्ह्यात लघु सिंचन योजना राबविण्याच्या दृष्टीनेएका विभागीय कार्यालयांची निर्मिती करण्यात आली आहे. ० ते १०० हे. सिंचन क्षमता असलेल्या योजनांची कामे जिल्हा जलसंधारण अधिकारी ल.पा. विभाग, जिल्हा परिषद, सिंधुदुर्ग यांच्यामार्फत केली जातात. तसेच, ० ते ६०० हे. सिंचन क्षमता असलेल्या योजनांची कामे जिल्हा जलसंधारण अधिकारी, मृद व जलसंधारण विभाग, रत्नागिरी यांच्यामार्फत केली जातात.
क्षेत्रीय स्तरावर लघु सिंचनाच्या कामांचे बांधकाम,देखरेख व व्यवस्थापन करण्यासाठी जिल्हा जलसंधारण अधिकारी, मृद व जलसंधारण विभाग, रत्नागिरी यांच्या अधिनस्त तीन उपविभागांची अनुक्रमे आंबडपाल, फोंडाघाट व सावंतवाडी निर्मिती करण्यात आली आहे. आंबडपाल उपविभागांतर्गत कुडाळ व मालवण तालुका, फोंडाघाट उपविभागांतर्गत वैभववाडी, कणकवली व देवगड तालुका आणि सावंतवाडी उपविभागांतर्गत सावंतवाडी, वेंगुर्ला व दोडामार्ग तालुक्यांचा समावेश आहे.
तसेच,सिंधुदुर्ग जिल्हा परिषद यंत्रणेअंतर्गत चार उपविभागांची अनुक्रमे सावंतवाडी, कुडाळ, मालवण व वैभववाडी निर्मिती करण्यात आली आहे. सावंतवाडी उपविभागांतर्गत दोडामार्ग व सावंतवाडी तालुका, कुडाळ उपविभागांतर्गत कुडाळ व वेंगुर्ला तालुका व मालवण उपविभागांतर्गत मालवण व कणकवली तालुका आणि वैभववाडी उपविभागांतर्गत वैभववाडी व देवगड तालुक्यांचा समावेश आहे.